【不要成為批鬥戰士】
隨住黃色經濟圈嘅變大
批鬥好似都變得愈嚟愈多
邊個先應該賺香港人錢嘅爭論都變得好多。
而香港人慢慢都變得好奇怪，
太勇武嘅人就係鬼！係黑警！
太和理非嘅人就係偽黃！係港豬！
講太多政治就係人血饅頭！抽水！
講太少政治就係沉默嘅幫兇！中立撚！
突然人人都係政治家思想家，人人都係黃衛兵。
當香港已經分成藍與黃，已經好足夠
其實都唔需要再喺黃色之中分出19幾萬種黃
何況深黃淺黃，大家又憑咩去分呢？
我哋必須緊記一樣野：
千其唔好變成另一個共產黨。
當你笑大陸要人做護旗手、要愛國愛出口時
就唔好強逼其他人將「光復香港」掛係身上。
就如唔好逼勇武除口罩搜身搜袋去證清白。
因為到最後誤會一場，唔係你講句「Sor9ly手足」就無事
港共政府會多謝都無聲就對付你捉錯嘅鬼
有無諗過有幾多公務員、教師等等被秋後算帳緊？
同樣每間黃色小店都該好好守護
你以為黃色經濟圈已經好大，其實仲係好撚細
個App入面得幾少選擇，用過就會知。
可以長久維持嘅黃色經濟圈係非常理想化，
但千其唔好將佢變得邊緣化。
唔一定要捐錢捐飯券被破壞過先叫真黃店
鬥黃鬥慘都會令黃色經濟圈更難長久維持落去
請將遊行時嘅守望相助，
變成日常對同行者嘅體貼。
請將批鬥嘅力量去批鬥黑警批鬥政權
焦點放番去政權，唔好忘記初衷。
保持獨立思考，保持理智清醒
唔好變成同藍絲一樣嘅黃絲。
IG：@hkgirlfriend
FB：港女友
Search